Џабе и 39 поени на Кари, Индијана без првата петорка ги победи Вориорс (ВИДЕО)

21 јануари 2022 - 08:59

Иако без речиси комплетната прва петорка, Индијана Пејсерс успеа да го изненади вториот најдобар тим на Западот, Голден Стејт Вориорс и да победи со 121-117 и тоа откако Стеф Кари беше брилјантен со 39 поени, а лидерот Феникс дојде и до 35-та победа со триумфот против Далас Маверикс и Лука Дончиќ кој погоди 28 поени во синоќешните мечеви во НБА.

Индијана во Сан Франциско беше без Домантас Сабонис, Мајлс Тарнер, Керис Лаверт и Малком Брогдон, но тоа не беше пречка да успеат да победат, а Џастин Холидеј во последните секунди со тројка избори продолженија, а во дополнителното време серијата 10-0 ги одведе до триумфот.

Кифер Сакс, екс-кошаркарот на Олимпија Милано и Панатинаикос даде пет поени во таа серија за да се обезбеди победата, па така залудни останаа 39-те поени на Кари, кој во продолжението буквално го снема и ги промаши сите четири шута што ги имаше, па за Голден Стејт ова беше 13-ти пораз сезонава и остануваат втори на Западот. Кај Индијана дури седуммина беа со двоцифрен ефект, а ги предводеше Крис Дуарте со 27 поени, Холидеј додаде 16, Ајзеа Џексон погоди 15, Џереми Ламб даде 14, а Гога Битадзе кој ги замени Сабонис и Тарнер имаше учинок од 13 поени со девет скока.

Феникс дојде до 35-та победа после триумфот со 109-101 против Далас Маверикс во мечот на кој одчични три четвртини имаше Дончиќ, но во завршната „исчезна“ и даде само три поени од своите вкупно 28 поени, а толку имаше Девин Букер во победничкиот тим, додека Крис Пол погоди 20.

Њујорк Никс загубија од Њу Орлеанс Пеликанс со 102-91, а Јонас Валанчиунас со 18 поени беше предводник на победничкиот тим, додека кај Никс Ер-Џеј Барет даде 17 поени, а исто толку со 15 скока имаше ефект Мичел Робинсон.