Дончиќ нема милост – прво го прати ривалот по бурек, а после и по јогурт (ВИДЕО)

11 февруари 2024 - 08:38

Кошаркарите на Далас маверикс одиграа маестрално во синоќешната дерби-пресметка на домашен терен против Оклахома сити тандерс (146-111), една од најдобрите екипи на Западот која овој пат беше немоќна пред магионичарот Лука Дончиќ и неговите соиграчи.

Словенецот средбата ја заврши со 32 поени, осум скока и девет асистенции и тоа за нешто повеќе од 30 минути поминати на паркетот. Тој буквално си поигруваше со противниците, а најлошо мина Дорт Лугенц, кој на самиот старт доби лекција што долго ќе ја памети. Со народен речник, Дончиќ прво го изигра „праќајќи го по бурек“, а потоа и уште еднаш го исфинтира, бидејќи „заборавил да му донесе јогурт“.

Кај поразените, најпрецизен беше Шај Гилџис-Александер со 25 поени.