Дербито на Колорадо решено по две продолженија, Јакимовски се изнаигра

Победникот се решаваше во последните 60-тина секунди. На влезот на последната минута од второто продолжение, резултатот беше 88-88, Баскин потоа погоди едно од двете слободни фрлања, па Северно Колорадо не го реализира својот следен напад. На 15 секунди пред крајот Хемонд повторно погоди од линијата за слободни фрлања за 90-88 за Колорадо, гостите на крајот имаа обид за тројка за победа, но не беа прецизни и со тоа беше ставен крај на драмата.

Македонскиот репрезентативец Андреј Јакимовски немаше своја шутерска вечер во дуелот против Северно Колорадо, но сепак го предводеше својот тим Колорадо до втората победа во новата сезона од НЦЦА. Интересно е тоа што тој помина најмногу време на теренот од сите играчи во својот тим - 38 минути и за тоа време постигна 9 поени и 6 скока, но со релативно лош шут од игра - 2/9. Тоа го надополни со играта во одбрана имајќи предвид дека украде четири топки.

По две кола, Бафалос имаат биланс 2/0, но таков ефект имаат уште девет екипи во Биг 12 конференцијата.