Слукас МВП на евролигашкиот фајнал-фор

26 мај 2024 - 22:29

Славниот грчки репрезентативец Костас Слукас апсолутно заслужено е прогласен за најкорисен играч на завршниот турнир од Евролигата што се одржа во Берлин.

Плејмејкерот на Панатинаикос првпат во кариерата го доби ова признание и им се придружи на своите сонародници Теодорос Папалукас, Димитрис Дијамантидис и Василис Спанулис кои претходно ја освојуваа наградата.

Финалниот меч, Слукас го одигра фантастично, за 25 минути во игра постигна 24 поени со само едно промашување и тоа аод линијата за слободни фрлања, а додаде уште 2 скока и 3 асистенции за индекс 31.