Најплатениот европски кошаркар бегаше од терен поради – ракети во воздух (ВИДЕО)

Најплатениот кошаркар во Европа за првпат настапи за новиот евролигаш во четвртфиналето од Лига купот на Израел, во кое неговиот тим славеше над Хапоел Бер Шева (96-86). Искусниот плејмејкер за нешто помалку од 29 минути постигна 18 поени (7/14 од игра), четири скока и пет асистенции. Иако на теренот блескаа и други – Антонио Блекни со 34 поени за победничкиот тим, а Мајкл Фостер со 18 поени за ривалот – најголемо внимание предизвика хаосот во последната четвртина. Две минути пред крајот, натпреварот беше прекинат поради воздушна опасност.

Причина за тоа е алармот за истрелана ракета од Јемен. Гостинските кошаркари веднаш го напуштија теренот, додека домашните останаа на клупата уште извесно време. Публиката, пак, остана на трибините во исчекување на разврската.