Лудница во Атина: ПАО и Реал одиграа меч што ќе се прераскажува со години (ВИДЕО)

Шпанскиот гигант фантастично го отвори мечот, водеше со 14 разлика во првото полувреме, но ПАО се врати во игра во второто полувреме и дојде до предност. Драмата се случи во последната минута во која екипите дури четири пати се сменија во водство.

Реал водеше со 78-75 на 30 секунди пред крајот, Слукас во следниот напад намали на -1, а откако Абалде ја загуби топката, Ернангомес погоди тројка за 80-78 за Панатинаикос. Следуваше непромислен фаул на Џеријан Грент врз Хезоња за 2+1 по што Реал повторно поведе и тоа на осум секунди пред крајот.

ПАО имаше доволно време да организира напад, одговорноста ја презеде Грент кој успеа да погоди и да се извади за претходниот фаул, а со тоа и да му донесе победа на својот тим. Дури и последниот удар, со звукот на сирената, заврши во обрачот и предизвика стресе кај домашните навивачи.

За Реал оа е втор пораз во низа, но тимот остана на четвртата позиција на табелата, заедно со уште четири екипи кои имаат биланс 16/10.