„Кошаркарите на Партизан во моментов се најдобри во Европа!“

09 март 2023 - 12:35

Кошаркарите на Партизан по завчерашниот триумф протв Виртус во Болоња, вечерва ќе одиграат уште еден евролигашки меч во Италија и тоа против „манекените“ од Милано (20.30 часот), во пресрет на кој тренерот на Армани џинс, Еторе Месина, искажа многу пофални зборови за ривалот.

Искусниот стратег смета дека црно-белите во моментов се најдобар тим во Европа.

„Самодовербата кај кошаркарите на Партизан е на највисоко можно ниво, особено по триумфот во Болоња. Искрено, мислам дека тие се најдобрите во Европа во моментов. Тоа е одлично трениран тим, со јасни правила, многу атлетски кошаркари и многу одлични шутери од сите позиции, почнувајќи од Кевин Пантер и Зек Ледеј“, изјави Месина.

Предводникот на миланезите апострофира дека играта во одбрана и запирањето на Матијас Лесор ќе бидат примарните задачани на неговиот тим ако сакаат да го совладаат Партизан.