ЦСКА Москва со пресврт го доби дербито против Реал Мадрид
Не почна најдобро мечот за домаќините затоа што Реал од самиот старт ја презема контролата на играта и резултатот и уште во првото полувреме имаше неколку пати и двоцифрена предност.
Сепак, Русите до полувреме успеаа да намалат на седум поени негатива, а во продолжение заиграа одлична одбрана и почнаа да ја топат и таа предност на „кралевите“, по што со пресврт успеа да слави со 60-54.
Мајк Џејмс со 19 поени ја предводеше неговата екипа до вредна победа, а Треј Томпкинс со 14 поени беше најдобар кај шпанскиот гигант.
На останатите натпревари Валенсија славеше против Химки со 84-75, Анадолу Ефес го реши Милано со 88-68, додека Фенербахче запиша убедлива победа против Лион.