МВР поради изборите ги одложи сите кошаркарски дуели - од вторник до недела!

11 октомври 2025 - 14:19

Кошаркарските натпревари во младинска и сениорска конкуренција во Македонија кои беа закажани од 14 до 19 октомври (вторник до недела) се одложуваат поради претстојните локални избори кои треба да се одржат во државата.

Министерството за внатрешни работи (МВР) испрати допис до клубовите преку кој ги известува дека полициските службеници ќе бидат целосно ангажирани за обезбедување на изборниот процес кој следи во Македонија.

Ова значи дека сите натпревари од 14 до 19 октомври се одложуваат, а нови термини за одигрување на натпреварите ќе има од 20 до 22 октомври.

„Сите одложени натпревари задолжително да се одиграат во периодот: понеделник 20.10.2025 до среда 22.10.2025 година.

Доколку двата клуба се усогласат, натпревар може да биде одигран и ПО овие датуми, но ИСКЛУЧИВО СО ПИСМЕНА СОГЛАСНОСТ од клубовите и НАЈДОЦНА ДО ПОЧЕТОКОТ НА СЛЕДНОТО КОЛО (25–26.10.2025 – сабота/недела)“, се вели во соопштението.

Фото: КФМ