Кожув го победи Работнички во меч со драматичен крај!

21 декември 2024 - 19:11

Кожув со подобра игра во последниот период славеше со 81-79 во неизвесен меч кој се одигра во Гевгелија.

Двете екипи се менуваа со водството во текот на целиот период, а ниту една од нив не направи двоцифрена предност во текот на мечот.

Најголемата разлика ја имаше Работнички, во текот на последниот период скопскиот тим поведе со 68-59, но тогаш Кожув влезе во серија од 8-0, најпрво намали, а потоа и го сврте резултатот за конечна победа од 81-79.

Најефикасен во составот на Кожув беше Пилепиќ со 27 поени, кај Работнички Шошкиќ постигна 26 поени.