Гостивар лесно ја реши Струмица за шест од шест во лигата

19 ноември 2022 - 20:58

Кошаркарите на Гостивар играат фантастично на стартот на домашната лига, па денеска лесно излегоа на крај со Струмица (102-80) и така ја запишаа шестата победа во шестиот меч.

Струмица му парираше на Гостивар во првите 20 минути, односно до финишот на втората четвртина кога имаа негатива од четири поени (40-44), но потоа домаќините врзаа шест поени преку Корстаниа, Митевски и Маслинко за водство од 50-40 на полувремето.

Гостивар го реши мечот во третата четвртина кога избега на 71-55, по што Струмица не успеа да се врати во игра и домаќините ја запишаа шестата победа во домашното првенство.

Грузиецот Корсантиа со 21 поен беше најдобар во составот на Гостивар, додека Крстајиќ постигна 16 поени за Струмица.