Црногорецот Милошевиќ во елитно друштво со трофејот за МВП на финалето!

10 јуни 2022 - 20:41

Ангажманот на Немања Милошевиќ откако веќе беше почната сезоната се покажа како полн погодок за МЗТ Скопје, со оглед на одличните игри на црногорскиот интернационалец во најголемиот дел од сезоната, а пред се во финалната плејоф-серија со Пелистер, во која – доминираше.

Тој беше фантастичен и вечерва, кога „металците“ дојдоа до клучната победа во Битола, со оглед што постигна 22 поени уште во првото полувреме од средбата, а средбата ја заврши со вкупно 31 поен.

Милошевиќ со ова влегува во елитно друштво на кошаркари кои претходно дојдоа до МВП-признанието, а меѓу кои со најмногу вакви трофеи е неговиот соиграч – Дамјан Стојановски.