Зарем би можеле да замислите Ф1-трка пред празни трибини!?
Пандемијата со коронавирусот е причина што најбрзото натпреварување не почна во март со трката во Австралија, по што следуваа откажувања и на следните осум трки и тоа во Азербејџан, Бахреин, Виетнам, Кина, Холандија, Шпанија, Монако и Канада. Браун дури и размислува да се почне кон крајот на јуни во Франција, ама без публика.
„Се надеваме дека сезоната би почнала во Европа, а веќе е сигурно дека стартот би бил пред празни трибини. Не смееме да ризикуваме. Планот е тимовите да доаѓаат со посебни чартер-летови, да бидат изолирана, а сите да мора да направат тест за коронавирусот“, изјави првиот човек на Ф1.
Новиот календар веќе се прави, а постојат сериозни шанси сезоната да се оддолжи и до јануари следната година.