Уапсен бивш возач во Ф1 по полициска акција во Штутгарт

Германскиот медиум „Билд“ објави дека во голема полициска акција во Штутгарт е уапсен поранешниот возач во Формула 1, Адријан Зутил.

Според информациите од обвинителството, биле извршени претреси на повеќе локации во соработка со полицијата, а германските медиуми откриваат дека Зутил е осомничен за измама.

Зутил засега не се јави по полициската акција, а обвинителството треба да објави дополнителни информации наскоро.

Бившиот возач помина седум сезони во „најбрзиот циркус“ и возеше за неколку екипи.

Фото: EPA