Вардар со една промена во почетниот состав на реваншот против Рига (ФОТО)

28 јули 2026 - 18:03

Тренерот Кристијан Фабијани го објави почетниот состав за денешниот реванш дуел против Рига, во второто квалификациско коло за Конференциската лига, а во него има една измена во однос на првиот меч во Скопје.

На местото на повредениот Бобан Николов кој воопшто не се наоѓа во тимот на Вардар, ќе игра аргентинскиот интернационалец Пулеио кој не настапи на дуелот пред една недела. Останатите десетмина се истите кои излегоа против Рига на Градскиот стадион и тие вечерва ќе се обидат да дојдат до резултат што го води Вардар во следната рунда.

Натпреварот во Рига се игра од 19 часот на стадионот Сконто, а според последните информации, температурата изнесува 20 степени Целзиуови.