Таткото на Ферстапен: Го разбирам бесот на Макс, тој е ранет и сака да победи!

Пилотот на Ред Бул истакна дека неуспехот на италијанскиот тим во САД е резултат на прекинување на измамата.

Го видов ова и си помислив: „О, не!“ Ова веројатно не е најпаметната изјава, но го разбирам Макс затоа што е ранет и сака да победи. По паузата, тој немаше шанси против Ферари. Мислам дека сите знаат дека користеле дупки, и ова објаснува зошто тие одеднаш станале толку брзи по прави линии. Ова можеби не е измама, но од етичка гледна точка ова не е целосно исправно. Драго ми е што сега стана јасно, зошто сите беа заинтересирани да дознаат што прави Ферари, изјави Ферстапен сениор.

Тимот на Ферари искористи „дупка“ во правилата и успеа да обезбеди поголема моќ на нивните болиди на права патека преку зголемен проток на масло во турбината. Пред трката за Големата награда на САД и по најавата дека и други тимови ќе го сторат истото, ФИА донесе забрана.

По оваа одлука, болидите на Ферари, на трката во Тексас изминатиот викенд беа инфериорни во однос на конкурентите за највисок пласман.