Официјално: Хамилтон го продолжи договорот со Мерцедес!

Хамилтон, кој вози за Мерцедес од 2013 година и освои седум титули во кариерата, претходно имаше потпишано повеќегодишен договор, но овој пат светскиот шампион се реши за кратка соработка, за која не се откриваат финансиските детали.

Преговорите за новиот договор почнаа уште во декември минатата година и конечно е ставен крајот на сите шпекулации за иднината на шампионот.

Хамилтон има седум титули во „најбрзиот циркус“, исто колку и легендарниот Михаел Шумахер, па ќе се обиде сезонава да го надмине и да постави нов рекорд.