„Хамилтон не смее да замине во Ферари, Леклер ќе му направи сериозни проблеми“

Шесткратниот светски шампион има договор до крајот на следната сезона и не е познато дали ќе преговара за нов. Тој се предомислува за оваа работа и на моменти изјави дека неговите планови ќе зависат од тоа дали Тото Волф ќе продолжи да биде шеф на тимот.

Ако Хамилтон го промени тимот, за него има само една логична можност: сонот на секој пилот на Ф1 – Ферари. Но, поранешниот сопственик на спортот, Берни Еклстон не смета дека тоа е добра идеја. Како прво, Берни се сомнева дека Мерцедес може да се повлечат на крајот на следната година.

Имаше промени во раководството, а новите луѓе не се толку ентузијасти за Ф1 како што беа порано. Можеби размислуваат: „Ние освоивме седум титули“ – а тие ќе гонаправат тоа до тогаш -„па, за што да се залагаме повеќе?“ Да бев на местото на Луис, ќе освоев уште една титула и би заминал во пензија. Ако Леклер остане во Ферари, се обложувам дека ќе го победи Луис. Ферари е чудно место за работа. Луис не зборува италијански. Може да го уништат или да се заљубат во него, но не мислам дека тој може да направи добра работа за себе или за тимот, како што е случај во Мерцедес, смета Еклстоун.

Макс Ферстапен исто така ќе го заврши својот договор до крајот на 2020 година, така што сигурно ќе биде во фокусот на Ферари.

На нивно место, ако треба да бирам помеѓу Луис и Макс, ќе го земам Макс и тоа поради истата причина, поради која им се допаѓа Шарл. Со Фетел или Хамилтон, тие добиваат максимум уште 2-3 години, додека ако се обложат на младите, тие добиваат 10 години, додава легендарниот Британец.