Алкараз обезбеди место на завршниот Мастерс

17 септември 2026 - 09:44

​Карлос Алкараз обезбеди настап на завршниот АТП турнир во Торино, кој ќе се одржи во ноември. Шпанецот е трет тенисер со загарантирано место, по Јаник Синер и Александар Зверев.

За Алкараз ова ќе биде петти последователен настап на турнирот на кој учествуваат осумте најдобри тенисери во сезоната.

Шпанецот сè уште ја нема освоено титулата во Торино. Минатата година стигна до финалето, но загуби од Синер.

Иако веќе ги има освоено сите четири Гренд слем турнири, трофејот од завршниот Мастерс останува еден од ретките што му недостигаат во богатата колекција.