Еди Џордан: Хамилтон ќе замине во Ферари, Фетел и Верстапен ќе возат за Мерцедес

Поранешен сопственик на тим во Формула 1, Еди Џордан, а сега експерт во овој спорт, даде своја прогноза како ќе изгледаат составите на Мерцедес и Ферари за следната сезона.

Седумдесет и едногодишниот Ирец беше првиот кој ги објави, трансферот на Хамилтон во Мерцедес во 2013 година, враќањето на Кими Раиконен во Ферари во 2014 година и враќањето на Фернандо Алонсо во Мекларен во 2015 година.

Во 2020 година, Хамилтон ќе се пресели во Ферари, Фетел и Верстапен ќе бидат заедно во Мерцедес, изјави Џордан за „Аутоспорт“.