Албон заврши на интензивна нега поради компликации по операцијата

12 септември 2022 - 19:57

Возачот на Формула 1 тимот Вилијамс, Алекс Албон во саботата имаше операција на слепо црево, но работите се искомпликуваа. 

По операцијата Албон имал несакана реакција на анестезијата што придонело да колабирање на респираторниот систем. Веднаш бил интубиран и ставен на машина за дишење и префрлен на интензивна нега. 

Во неделата, тој бил многу подобар и веќе е свесен и се опоравува од операцијата. Се очекува возачот од Тајланд утре да биде отпуштен од болница и да ја продолжи рехабилитацијата во домашни услови. 

Од таборот на Вилијамс веруваат дека Албон ќе биде подготвен за следната трка во Формула 1 шампионатот, што се вози во Сингапур на 2 октомври. Изминатиот викенд на „Монца“ во Италија го менуваше Ник де Врис, кој имаше одличен настап на своте деби во Ф1 и го освои 9.место.