Швајцарија немоќна во Лесковац: Србија конечно победи во Лигата на нации

12 октомври 2024 - 22:41

Србија од трет обид стигна до првата победа во новото издание на Лигата на нации, откако вечерва во Лесковац славеше со 2-0 против Швајцарија.

Голот за водство на Србија беше постигнат во првата минута од судиското надополнување на првиот дел, додека на 2-0 зголеми Александар Митровиќ со прекрасен гол во 61. минута.

Швајцарија имаше можност да ја врати неизвесноста само 10 минути подоцна, но Брет Емболо не реализираше пенал, односно неговиот удар го одбрани голманот на Србија.

Шпанија на домашен терен ја запиша втората победа во групата, откако со голот на Мартин Зубименди ја скрши Данска.

„Црвената фурија“ е прва со седум бодови, по што следи Данска со шест, Србија има четири, а Швајцарија е последна без освоен бод.