Ниту Халанд, ниту Мбапе: Грк и Германец се најдобрите стрелци во ЛШ!

05 ноември 2026 - 12:08

По комплетирањето на четвртото коло од Лигата на шампионите, дојде моментот за пресек на најдобрите стрелци во елитното европско натпреварување.

Возбудливо беше и вчера кога на натпреварите беа постигнати дури 44 гола. Најголемото изненадување е тоа што листата на стрелци не ја предводи некоја од најголемите ѕвезди на европскиот фудбал, туку фудбалерот на Комо, Тасос Дувикас. Со трите гола против Ленс, Гркот стигна до вкупно шест погодоци и се искачи на врвот.

Веднаш зад него е напаѓачот на Клуб Бриж, Николо Тресолди, кој има пет гола. Четири од нив ги постигна со десната нога, додека последниот го реализираше со глава. Истиот голгетерски учинок го има и Ерлинг Халанд.

На четвртото место се наоѓа новото откритие на Галатасарај, Алексеј Батраков, со четири погодоци. Интересно е што меѓу фудбалерите со по четири гола се наоѓа и играчот од средниот ред на Пари Сен Жермен, Фабијан Руиз. Истиот учинок го имаат и Килијан Мбапе, Хари Кејн, Ермедин Демировиќ, Луис Суарез и Рафиња.

До крајот на лигашката фаза остануваат уште четири кола, па борбата за најдобар стрелец допрва ќе се разгорува.