Мурињо му се извини на Даер дека го извади по 29 минути: Тоа беше најтешкиот момент!
Вчера, португалскиот тренер во 29 минута го извади англискиот репрезентативец Ерик Даер, кога „Вајт Харт Лејн“ уште не можеше да се соземе од шокот дека Олимпијакос води со 2-0 (на крај европскиот вицепрвак победи со 4-2). И по мечот и триумфт, Мурињо му се извини на Даер за измената, посочувајќи дека не е поврзана со играта на фудбалерот за врска, туку дека – му дошла друга идеја. На местото на Даер го стави Кристијан Ериксен, далеку поофанзивен и покреативен фудбалер.
„Тоа беше најтешкиот момент на мечот. Не беше кога нѝ дадоа два гола, туку што морав да направам замена толку рано, а не е повреда. Тоа го повреди Ерик, но и јас бев повреден. Не беше лесно за него, ама ни за мене. Важно е фудбалерот што сфати дека имав среќа со изборот, зашто тој е еден ителигентен играч, а јас промената ја направив во интерес на тимот. Не се работеше за замена поради лоша игра, туку за нешто што на тимот му требаше. Губевме 2-0, бевме во тешка ситуација и почувствував дека еден играч во дефанзива за врска е доволен. Помислив: 'ми треба уште еден креативец'! Уште еден што ќе игра со Деле Али, како што го викам јас – отворен триаголник. Не ми требаше затворен триаголник со двајца дефанзивни играчи за врска. Му се извинувам на Ерик, но тој знае дека го направив тоа за доброто на тимот и дека не сакав да го повредам. Им благодарам на навивачите дека исто така ја разбраа поентата на замената“, рече Мурињо,