Луис Енрике е шампионот: Додека неговите славеа, тој им аплаудираше на играчите на Интер (ФОТО)

01 јуни 2025 - 11:45

Тренерот на ПСЖ, Луис Енрике уште еднаш ја покажа својата и тренерска и човечка големина откако неговиот тим триумфираше во финалето од Лигата на шампионите.

Неговите фудбалери ги добија медалите и пехарот и заслужено го славеа големиот успех, но Енрике за тоа време остана на бината, завртен кон играчите на Интер на кои им аплаудираше, во знак на респект.

Со тоа веројатно сакаше да ги утеши по катастрофалниот настап и убедливиот пораз кој, секако, не го отсликува нивниот реален квалитет.