Карсли знае што го чека по поразот од Грција!

11 октомври 2024 - 07:42

Привремениот селектор на Англија, Ли Карсли очекува да се врати во селекцијата до 21 година по поразот од Грција на Вембли од 2-1.

Англија вчера првпат во историјата загуби од Грција и тоа на Вембли. А по ваков пораз, Карсли знае дека нема долго да остане на селекторската позиција иако сака.

„Ништо не се промени од мојата прва прес-коференција. Ова е фантастична работа со која најлесно може да дојдете до титула. Но, среќен сум и со работата во селекцијата до 21 година, и по првите две победи со најдобрата репрезентација на Англија моите амбиции не се променија“, вели Карсли.

„Важно ми е да дадам се на следните три меча, но ништо не е променето. Мојата задача е да бидам најдобар што можам додека сум на клупата, а потоа ќе го предадам кормилото и да се вратам во селекцијата до 21 година“.