Карсли отпиша осум англиски ѕвезди за дуелите во Лигата на нации

11 ноември 2024 - 20:56

Селекторот на англиската фудбалска репрезентација, Ли Карсли го објави списокот со фудбалери за следните два натпревари во Лигата на нации, но повеќе изненади листата на ѕвезди кои отпаднаа за дуелите.

Карсли се откажа од услугите на осум големи ѕвезди, односно Кол Палмер, Букајо Сака, Трент Александер-Арнолд, Фил Фоден, Колвил, Џек Грилиш, Арон Рамсдејл и Деклан Рајс.

Тренерот, од друга страна, ги повика Морган Роџерс, Џерод Боуен, Џеред Брантвајт, Тино Ливраменто и Џејмс Трафорд.

„Гордиот Албион“ следните два меча ги игра против Грција и Ирска, а во моментов се наоѓа на второто место во групата Б со девет бодови, додека нашиот јужен сосед е лидер со 12 поени по четири одиграни кола.