И помошникот на Енрике плачеше по финалето – делат слична тажна судбина (ВИДЕО)

Камерите го забележаа Пол во солзи на клупата кон крајот на финалето на „Алијанц Арена“, иако се чинеше дека вниманието е насочено кон тренерот Енрике и неговата посвета на победата за покојната ќерка Хана. Причина за солзите на Пол слична трагедија, која е понова. Тој во ноември ја загуби својата сопруга Ракел, која почина по долга борба со неизлечива болест. Болката сè уште е свежа, а моментот на најголема спортска радост го доживеа без личноста која најмногу ја сакаше.

Неговата емоционална реакција, искрени солзи и погледот кон небото ја трогнаа јавноста. Интернетот беше преплавен со пораки на поддршка и сочувство за човекот кој стоеше во сенка на големиот успех на ПСЖ. Небото, како што велат многумина на социјалните мрежи, сигурно гордо ги гледа и Ракел и Хана – сопругата на Пол и ќерката на Луис Енрике.