Хабиб одби да се ракува со новинарка, по што таа му се – извини (ВИДЕО)

Нурмагомедов, познат по својата посветеност на Исламот, по завршувањето на натпреварот меѓу ПСЖ и Интер (5-0), се појави во импровизираното студио на „Си-Би-Ес“, каде што беа присутни фудбалските легенди Тјери Анри, Џејми Карагер и Мајк Ричардс, заедно со водителката Абдо. Додека со сите машки членови од екипата се поздрави срдачно и со ракување, кога Абдо му ја подаде раката, Хабиб стави рака на срцето и одговори кратко: „Ви благодарам“.

Новинарката реагираше професионално, со насмевка и разбирање.

„Мило ми е што ве гледам. Добредојдовте во емисијата“, рече таа, а потоа додаде: „Извинете“, свесна дека поздравот нема да биде со ракување.

Ова не е првпат Нурмагомедов да одбие ракување со жена – неговото однесување е доследно на исламските прописи, кои на мажите не им дозволуваат физички контакт со жени кои не им се роднини. Слични ситуации биле забележани и на претходни јавни настани.