Германија ја реши Унгарија и се пласира во осминафинале на ЕП (ВИДЕО)

19 јуни 2024 - 19:54

Германската фудбалска репрезентација славеше против Унгарија со 2-0 и освои бодови со кои се пласира во осминафиналето на Европското првенство (ЕП).

Џамал Мусиала го пронајде патот до мрежата на Унгарија во 22. минута и донесе водство за Германија, по што Салаи стрелаше во завршницата на првиот дел за израмнување, меѓутоа ВАР-технологијата го поништи погодокот поради офсајд.

Германија беше уште подобра во второто полувреме, а успеа да постигне и втор гол преку Илкај Гундоган за триумф од 2-0 и нови три бодови во групната фаза на ЕП.

На првата позиција во групата А се наоѓа Германија со шест бодови, Швајцарија има три, додека Шкотска и Унгарија се без бодови.

Вечерва на програмата од ЕП се игра вториот меч од групата А, односно на теренот ќе се пресметаат Шкотска и Швајцарија.