Анчелоти остана без уште еден дефанзивец пред плеј-офот во Лигата на шампионите

09 февруари 2025 - 19:22

Екипата на Реал Мадрид по дербито против Атлетико Мадрид остана без уште еден фудбалер на кој тренерот Карло Анчелоти нема да може да смета за натпреварот против Манчестер сити.

Лукас Васкез заработил повреда и според информациите од медиумите го чека пауза од околу три недели.

За Анчелоти ова е дополнителен проблем бидејќи надвор од терените веќе се дефанзивците: Милитао, Рудигер, Алаба и Карвахал.

Реал Мадрид во вторник го чека натпреварот против Манчестер сити во плеј-офот за осминафинале во Лигата на шампионите. Пред овој дуел Анчелоти на десната бековска позиција го има само Федерико Валверде.