Алонсо самоуверен пред дерито: Ќе го победиме Манчестер сити!

09 декември 2025 - 20:10

Реал Мадрид се наоѓа во резултатска криза, но и покрај тоа тренерот Чаби Алонсо верува во победа на шпанскиот гигант против Манчестер сити во шестото коло од Лигата на шампиони (ЛШ).

„Кралевите“ утре ќе ги пречекаат „граѓаните“ од 21 часот во Мадрид, а Алонсо е самоуверен пред дербито.

„Тоа ќе биде голем натпревар и одлична шанса да освоиме бодови. Подготвени сме да се соочиме со предизвикот. Тимот е подготвен и уверен во победа“, кажа Алонсо.

Шпанскиот гигант пред неколку дена доживеа шокантен пораз од Селта (0-2) на „Сантијаго Бернабеу“.