Во Кардиф ќе ни суди еден од најдобрите светски судии!

16 ноември 2025 - 14:16

Во вторник Македонија ќе игра против Велс во последниот натпревар од квалификациите за Светското првенство, а сега е познат и главниот судија за овој дуел.

Натпреварот директно решава дали ние или Велс ќе одиме од второто место во баражот, а тоа значи и подобра позиција во ждрепката. УЕФА за овој натпревар одлучи главен судија да биде познатиот Дани Мекеле, него ќе му помагаат: Хесел Стегстра и Јан де Фри, додека четврти судија ќе биде Марк Нагтегал.

Макеле знакот на ФИФА го носии од 2011 година, а во кариерата досега судеше финале во Лигата на шампионите и финале во Лига Европа, но беше дел уште од Мундијалот во Катар и последните две европски првенства.

Фото: EPA