Пукна скандал на Мундијалот: Марез ја призна местенката со Австрија (ВИДЕО)

Конечниот резултат беше 3-3, што им обезбеди на Алжир и на Австрија место во осминафиналето на Светското првенство, но начинот на кој беше постигнат предизвика многу контроверзи. На крајот, најголема жртва беше Иран, кој беше елиминиран од Светското првенство, можеби неправедно, поради ждрепката.

Натпреварот влезе во напната завршница откако Марез постигна гол во 93. минута за водство на Алжир од 3-2. Со тој резултат, Австрија ќе беше елиминирана од натпреварувањето, а Алжир ќе имаше исклучително неповолен ждреб во осминафиналето, бидејќи ќе играше против Шпанија. Сепак, само три минути подоцна, во шестата минута од судиското продолжение, Австријците израмнија, додека алжирската одбрана изгледаше исклучително пасивна. Сомневањата за праведноста беа дополнително засилени откако се појавија снимки на кои се гледаат соиграчите на Марез како го исвиркуваат и критикуваат веднаш откако го постигна голот.

Наместо да ја смири ситуацијата, изјавата на Марез за медиумите практично ги потврди сомневањата дека постоел премолчен договор за резултат што им одговарал на двата тима.

„Ја раширивме играта и тие се повлекуваа. Но, во последен момент некој ми ја протурка топката низ средината. Морав да трчам, морам да го почитувам фудбалот. Знам дека е малку непријатно, но така е. Топката дојде пред голманот и морав да шутирам, морав да се обидам да постигнам гол. Знам дека беше непријатно, но тоа е фудбалот. Морам да го почитувам. И доброто - добро за нив - е што на крајот постигнаа гол и продолжија понатаму. И двата тима продолжија понатаму и тоа е најважното“, рече Марез

Австрија ќе игра против Шпанија во нокаут фазата, додека Алжир ќе се соочи со Швајцарија.