Нова спортска трагедија: Од срцев удар почина 22-годишен фудбалер во САД!

01 декември 2023 - 18:50

Играчот во американски фудбал на Универзитетот во Минесота Дулут, Рид Рајан, почина денеска од последиците на срцев удар, кој го имаше откако му се слоши за време на тренинг во салата за кревање товар пред точно десет дена.

На 22-годишниот фудбалер му се слошило по завршувањето на одредени вежби, а иако бил пренесен во болница, подоцна ја загубил борбата за живот. Тој, наводно, боледувал од генетско срцево заболување, кое не било откриено во претходните прегледи.

Рајан претходно играше за Државниот универзитет во Северна Каролина, пред да се префрли во Минесота пред почетокот на оваа сезона за да добие повеќе минутажа на теренот.