Нов хаос пред СП: Трамп забрани фудбалери од Африка да влезат во САД без 21-дневна изолација!

Конгоанската селекција моментно се подготвува во Белгија, откако го откажа тренинг-кампот во главниот град Киншаса поради ширењето на вирусот. Од Белата куќа им било јасно ставено до знаење дека мора да останат во изолациски „балон“ три недели пред влезот во САД, каде што треба да пристигнат на 11 јуни.

„Им кажавме многу јасно дека мора да го зачуваат интегритетот на изолацијата ако сакаат да патуваат во Хјустон. Доколку го прекршат тој балон, ризикуваат да не им биде дозволен влез во САД“, изјавил извршниот директор на Работната група на Белата куќа за Светското првенство, Џулијани.

Иако сите репрезентативци на Конго настапуваат во странство, американските власти не сакаат да преземат никаков ризик. Претходно овој месец, Конго потврди појава на ретка форма на ебола позната како Бундибугио. Според официјалните информации, повеќе од 130 лица починале меѓу речиси 600 сомнителни случаи.

Конго во рамки на подготовките ќе одигра пријателски натпревари против Данска во Лиеж на 3 јуни, како и против Чиле во Шпанија на 9 јуни.