Не е сѐ во парите: Германците решија да им пркосат на ФИФА и Катарците (ФОТО)

23 ноември 2022 - 14:39

Воведот на денешната пресметка помеѓу Германија и Јапонија имаше свој вовед, во кој Германците како одговор на забраната од ФИФА и организаторот на Мундијалот во Катар решија да им пркосат и да најдат начин како да ја заобиколат забраната за носење било какви обележја во боите на виножитото кои се симбол за борбата за правата на ЛГБТ заедницата.

„Панцерите“ пред дуелот се загреваа во маички на „Адидас“ во бои на виножитото, додека Џамал Мусаила и Нико Шлотербек на стадионот пристигнаа со качкети во исти бои. Капитенот Мануел Нојер додека се загреваше носеше капитенска лента на која пишуваше „Не за дискриминацијата“.

Капак на све беше групната фотографија на Германците, на која сите си ги затворија устите, како порака дека во Катар на дело е максимална цензура.