Тренерот на Сосиедад протестира: Третиот гол постигнат по офсајд, на Реал не му треба судиска помош

Неговиот тим синоќа одигра херојски меч на „Бернабе“ во кој имаше водство од 3-1, но победникот се одлучуваше по продолженија. На крајот беше 4-4, резултат што му одговара на Реал и го носи во финалето од Копа дел Реј. Сепак, Иманол смета дека мадридскиот гигант поминал понатаму со судиска помош, најзабележителна при постигнувањето на третиот гол.

„Пред голот, односно корнерот од кој беше постигнат голот, имаше офсајд од Мбапе што судиите не го досудија. Реал Мадрид е голем клуб и не му треба судиска помош. Сигурен сум дека ако имаше ваква ситуација за нас, голот немаше да биде признат“, смета Иманол.

Последен пат Сосиедад играше во финале од Копа дел Реј во 2020 година кога го победи својот баскиски ривал Атлетик Билбао со 1-0.