Навивачите на Србија и Бразил први се пресметаа во Катар – победија Србите (ВИДЕО)

24 ноември 2022 - 14:58

Како се ближи времето на одигрување на натпреварот помеѓу Србија и Бразил (20 часот) на Мундијалот во Катар така се вжештува атмосферата не само кај навивачите на северниот сосед туку и во целиот регион, кој во најголем дел ќе навива за избраниците на Драган Стојковиќ-Пикси.

Во земјата на домаќинот на СП од минута во минута се зголемува бројот на српски и бразилски навивачи, кои веќе ја имаа првата пресметка. Тоа не беше инцидент односно тепачка како таа на фановите на Мексико и Аргентина денеска, туку културна спортска борба во мал фудбал – два на два, која се играше на аеродром.

Победија Србите, кои со тоа како да им го покажаа патот на своите миленици како да излезат на крај со Нејмар и соиграчите. Како и да е, атмосферата ќе биде фантастична како на стадионот така и во фан-зоните, а очекувањата се дека тоа ќе биде спектакл како на теренот така и на трибините.