Меси по наградата за најдобар фудбалер: Ова е голема чест за мене!

24 септември 2019 - 09:10

Лионел Меси синоќа на церемонијата на ФИФА беше прогласен за најдобар фудбалер во 2019 година, па така Аргентинецот ја освои наградата по пауза уште од 2015 година.

Меси ја предводеше Барселона до одбраната на титулата во Шпанија, како и до полуфиналето во Лигата на шампиони, кадешто Каталонците загубија од Ливерпул.

„Ова е емотивен ден за мене, зашто успеав да го поделам со своите деца. Откако стигнавме се дружевме со одлични фудбалери и моите синови навистина уживаа. Исто така, голема чест е да се освои наградата. Па, ќе ви кажам дека тука нема никакви тајни. Единствена работа е секогаш да го давам својот максимум и да се обидам да бидам подобар“, вели Меси.