Хасани по пет месеци конечно најде клуб – ќе игра во Хелсинки!
Последен клуб на Хасани беше саудиски Ал Раед, по што откако си замина, беше поврзуван со враќање во тетовска Шкендија, па трансфер во Албанија, но од сето тоа не излезе ништо и сега ќе игра во најторфејниот фински клуб и првак Хелсинки.
„Среќен сум што ќе играм за Хелсинки, Се работи за клуб со голема традиција и имам големи очекувања за следната сезона“, вели Хасани.
Затоа што немаше клуб, Хасани го немаше ниту на списокот на селекторот Игор Ангеловски за изминативе четири меча во септември и овој месец. Има 38 настапи за Македонија и два гола.