Гатузо дебитира како селектор: Немам време за емоции, ме чека многу работа!

05 септември 2025 - 10:45

Италијанската легенда Џенаро Гатузо денеска од 20.45 часот ќе дебитира на кормилото на неговата татковина во мечот против Естонија во квалификациите за Светското првенство (СП).

„Аѕурите“ немаат добар почеток на квалификациите за СП зашто имаат освоено само три бодови по два одиграни меча, а сè уште не го забораваат тешкиот пораз од Норвешка со 0-3.

„Немам време за емоции, имам голема одговорност. Можеби ќе почувствувам нешто за време на химната, но тоа е сè. Мора да постои понизност. Ако се згреши додавање, треба да се размислува како ќе се корегира грешката. Ако згрешиш, не смееш да запреш и да мислиш дека некој друг ќе реагира наместо тебе. Мора секогаш да размислувам за победа“, кажа Гатузо.

Натпреварот меѓу Италија и естонија се игра вечерва од 20.45 часот.

Фото: Facebook/Nazionale Italiana di Calcio