ФИФА потврди: Инфантино има двајца противници во битката за претседателското столче!

Џани Инфантино нема да биде единствениот кандидат за претседател на Светската фудбалска федерација (ФИФА), откако официјално се потврдени две имиња кои ќе се обидат да го предизвикаат на изборите во март 2027 година.

Инфантино ќе има конкуренција во трката за претседателското столче од Филип Дијало од Франција и Козо Ташима од Јапонија.

Французинот Филип Дијало, претседател на Француската фудбалска федерација, ќе биде кандидат со поддршка од европските партнери, додека Јапонецот Козо Ташима, поранешен претседател на Јапонската фудбалска асоцијација и член на Советот на ФИФА, исто така влегува во трката.

Изборите ќе се одржат на 18 март 2027 година во Рабат, Мароко, во рамките на 77. конгрес на ФИФА.