Евертон и трет натпревар без победа, ремизираше со Сандерленд (ВИДЕО)

03 ноември 2025 - 22:58

Екипата на Сандерленд која има одличен старт на сезоната во Премиер лигата остана непоразена и против Евертон вечерва одигрувајќи 1-1.

Евертон беше прв кој стигна до водство по 15-тина минути игра кога Ндиаје изведе мало шоу, помина покрај неколку противнички фудбалери и мајсторски погоди за 1-0.

Сандерленд тргна по изненадување, напаѓаше и создаваше шанси, но сепак гостите на полувремето го задржаа водството.

Израмнувањето стигна веднаш во вториот дел, не помина ниту цела минута кога Гранит Џака се запиша во листата на стрелци за 1-1.

До крајот резултатот не се промени, Сандерленд освои бод со кој дојде до 18 и се наоѓа на четвртата позиција со ист број на бодови со Бормут и Ливерпул. Евертон од друга страна е 14-ти со 12 бодови.