Дресот на Марадона од 1986 година ќе се продаде за два милиони долари!?

28 ноември 2020 - 09:41

Диего Армандо Марадона за многумина е најдобар фудбалер во историјата, но во Англија не го сакаат премногу поради голот со „божјата рака“ на Мундијалот во 1986 година.

Првиот гол на мечот Марадона го постигна со рака, а тоа Англичаните нема никогаш да му го простат, иако вториот негов погодок е еден од најдобрите голови во историјата.

По смртта на Аргентинецот многу луѓе се обидуваат да заработат од името на Марадона, а посебно такви се тие кои имаат уникатни работи од поранешниот фудбалер.

Дресот со кој Марадона играше на мечот во 1986 година е во сопствеништво на Стив Хоџ, кој сега сака да го продаде и за него бара дури два милиони долари.

„По мечот бев во тунелот и видов како Марадона доаѓа од спротивната насока. Го соблеков дресот и ги заменивме“, кажа Хоџ.