Децата на Марадона ќе водат голема битка за неговото богатство

28 ноември 2020 - 08:20

„Кориере дела Сера“ објави дека Диего Армандо Марадона имал само 75.000 евра кога починал, па сега допрва ќе се води битка кој ќе го добие и последното парче од богатството на аргентинскиот фудбалски бог.

Марадона заработи милиони во кариерата, но поради неговиот начин на живот на крајот не му останаа многу пари, а доколку продолжеше вака уште некое време, тогаш ќе завршеше и без тие 75.000 евра.

Аргентинецот, наводно, бил сопственик на цела станбена зграда во Буенос Аирес и неколку станови во центарот на градот. Имал гаража полна со скапи автомобили, инвестиции на Куба и во Италија, фудбалска академија во Кина и спонзорски договори, па тоа се дополнителни средства кои ги имал Марадона, освен неговите 75.000 евра на сметката.

Италијанскиот медиум пишува дека околу 11 деца на поранешниот фудбалски магионачар ќе се борат за останатото богатство на Аргентинецот, кој на Суд призна само два сина и три ќерки.