Баерн ја откажа прославата за да им оддаде почит на жртвите во Магдебург (ВИДЕО)

21 декември 2024 - 14:39

На стадионот на Баерн Минхен вчера требаше да има голема „Божиќна прослава“ со навивачите, но истата беше откажана поради терористичкиот напад во Германија.

Баерн го прегази Лајпциг со 5-1, но оваа победа не се прослави онака како што се очекуваше.

Директорот на Баерн, Јан Кристијан Дрисен се симна на теренот и имаше обраќање до присутните на стадионот.

„Можеби веќе сте слушнале или прочитале, имаше страшен напад во Магдебург. Не е потврден број на загинати и повредени откако едно лице влета во топла луѓе на божиќе базар. Поради тоа прославата е откажана и ќе ве замолам сите да станете“, објасни Дрисен.

Според последните информации во нападот пет лица го загубиле животот, а над 200 се повредени.