Аргентинската банка планира Меси да го стави на банкнота од 1.000 пезоси

21 декември 2022 - 18:24

Аргентинската централна банка сериозно размислува да го стави новиот фудбалски Бог, Лионел Меси на банкнота од 1.000 пезоси (нешто повеќе од 5 евра), објави весникот „Ел Финансиеро“.

Меси пред три дена со Аргентина дојде до светската титула, прва за „гаучосите“ по 36 години, а единствениот трофеј кој му недостигаше во кариерата за да го прогласат сите светски медиуми и најголем дел од јавноста за – најдобар на сите времиња. Затоа и централната банка сега сака на некој начин да му се оддолжи за сè што направи за Аргентина и комплетната еуфорија што ја предизвика.

Меси беше прогласен за најдобар фудбалер на штотуку завршеното СП во Катар, а тоа е негова втора награда, единствен кој успеалдвапати да биде прогласен за најдобар на Мундијал, а ова беше негов петти во кариерата, со најава дека може да стане и прв со шест ако игра за четири години во САД, Канада и Мексико, кои се домаќини во 2026 година.

Повеќе од четири милиони луѓе, а според некои проценки и пет милиони вчера излегоа на улиците во Буенос Аирес за да му се поклонат на Меси и на хероите што ја донесоа светската круна.