Aнчелоти: Фантастична година е зад нас!

19 декември 2024 - 07:48

Реал Мадрид вчера успеа да го освои трофејот во Интерконтиненталниот куп со победа над Пачука од 3:0 и тоа беше нов трофеј за Карло Анчелоти со шпанскиот гигант.

Анчелоти по натпреварот не го криеше задоволство од овој нов успех.

„Ова беше фантастична година за Реал Мадрид. Имавме толку многу проблеми со повреди, но завршивме на вистински начин и освоивме уште еден пехар. Очекувам да продолжиме во ист стил и во 2025 година. Историјата и традицијата покажуваат дека Реал Мадрид во секое натпреваруваање сака да оди по трофејот. Среќни сме бидејќи со победнички менталитет и пехар ќе влеземе во новата година“, изјави Анчелоти.