Трајковски: Заслужуваме повеќе публика, се надевам дека така ќе биде в недела!

14 ноември 2024 - 23:05

Александар Трајковски е задоволен од победата над Летонија, но посака стадионот да биде поисполнет на последниот натпревар од Лигата на нации против Фарски Острови.

Македонија со 1-0 ја совлада Летонија и го завери првото место во групата кое носи место на погорно скалило во Лигата на нации.

„Задоволен сум дека победивме, го дадовме нашиот максиум, знаевме дека ова ќе биде тежок натпревар. Се подготвувавме за ваков натпревар, можеби можевме да победиме и со повеќе голови разлика, но се надевам дека на следниот натпревар ќе бидеме поефикасни и ќе оствариме подобар резултат“, вели Трајковски.

„Се надевам дека во недела ќе имаме поголема поддршка од трибините, ние за секој натпревар се надеваме дека публиката ќе дојде во поголем број. Мислам дека со овие резултати го заслужуваме тоа“.